पाल्पा । रैनादेवी छहरा गाउँपालिका-३, भुवनपोखरी स्थित डाँडागाउँमा शनिबार राति शंकास्पद अवस्थामा सरकारी मोटरसाइकल फेला परेको छ।
मंसिर ६ गते शनिबार राति करिब १० बजेको समयमा स्थानीय खिम बहादुर दर्लामीको घर नजिकै लु १ ब ८९० नम्बरको सेतो प्लेट (सरकारी) भएको मोटरसाइकल रोकिराखेको अवस्थामा भेटिएको हो।
स्थानीय बासिन्दाले रातिको समयमा सरकारी गाडी देखेपछि सोधपुछ गर्दा, उक्त मोटरसाइकलमा सवार व्यक्तिले आफू गाउँपालिकाको ‘नगर प्रहरी’ भएको बताएका थिए। तर, शनिबारको सार्वजनिक बिदा र रातिको समयमा सरकारी सरकारी बाइक लिएर त्यहाँ आउनुको कारण सोध्दा उनले कुनै स्पष्ट जवाफ दिन सकेनन्।
सरकारी सम्पत्तिको दुरुपयोग भएको हुन सक्ने र रातिको समयमा शंकास्पद गतिविधि देखिएको भन्दै स्थानीयले यस विषयमा सम्बन्धित निकायको ध्यानाकर्षण गराएका छन्। ती व्यक्तिको हुन् र सरकारी बाइक लिएर राति १० बजे गाउँमा किन आएका थिए भन्ने विषयमा थप अनुसन्धान हुन बाँकी छ।
सम्बन्धित खवर
