तानसेन । नेपाली कम्युनिष्ट पार्टीको तर्फबाट पाल्पाकी पार्वती विक समानुपातिकतर्फको सांसदमा चयन भएकी छन् । तानसेन नगरपालिका वडा नं. ५ स्थायी घर भएकी विकलाई पार्टीले समानुपातिकबाट सांसद बनाउने निर्णय गरेको हो ।
आइतबार सार्वजनिक गरेको नेपाली कम्युनिष्ट पार्टीको समानुपातिक सूचिमा रहेकी विकलाई पार्टीले सांसद बनाउन दलित महिलाको तर्फबाट आयोगलाई सिफारिस गरेको हो।
तत्कालिन नेकपा माओवादी केन्द्रको प्रदेश कमिटी सहसचिव र नेकपा भएपछि केन्द्रीय सदस्यको भूमिकामा पाएकी विकले आफू सासंद भएपछि दलित महिला र समग्र पाल्पाका विषय सम्बोधन गर्ने बताएकी छन् ।
माओवादी जनयुद्धकालदेखि पार्टीमा सक्रिय रहेही विकले तत्कालिन जिल्लास्थित शान्ति समितिमा समेत नेतृत्व समेत सम्हालिएकी थिइन् ।
