दशैको मुखमा किसानलाई नगद अनुदान पाउँदा खुसी छन् मैनादीका किसान
पाल्पा- रिब्दीकोट गाउँपालिकाले दशैको मुखमा गोलभेडा उत्पादन गर्ने किसानलाई नगद अनुदान वितरण थालेको छ । गरीब तथा बेरोजगार यूवाहरुलाई कृषि क्षेत्रमा आकर्षण बढाउने र हाल कृषि क्षेत्रमा रहेका किसानलाई व्यवसायिक बनाउन अनुदानको व्यवस्था गरेको हो ।
रिब्दीकोट गाउँपालिकाले वडा नम्वर ७ मैनादीका ४९ जना किसानलाई उत्पादनका आधारमा अनुदान वितरण गरेको हो । चालु आवको साउन र भदौ महिनामा उत्पादित गोलभेडाको उत्पादनका आधारमा २ लाख २३ हजार चार सय चार रुपैयाँ किसानलाई अनुदान वितरण गरिएको हो ।
...
